معلومات عن المطابخ

كيف تختاري ديكور مطبخك الامن و الجيد

يعتبر اختيار تصميم ديكور المطبخ من الأمور الهامة فديكور المطبخ الجيد من شأنه أن يعزز من الطهي بشكل جيد،وهنا نستعرض بعض النصائح التي من خلالها يمكن معرفة أي أنواع ديكور المطبخ المناسبة تبعا للشخصية.

ديكور المطبخ الكلاسيكى

ينصح باختيار ديكور المطبخ الكلاسيكي لعشاق البساطة والهدوء ومن يحبون أن تكون أدوات المطبخ أمامهم وفي متناول أيديهم، ولهذا يعد المطبخ الكلاسيكي من أكثر أنواع ديكورات المطابخ المناسبة لهم وبإمكانهم استعمال لون أو لونين على الأكثر، ويعد اللون الأبيض هو اللون المضل في ديكور المطبخ الكلاسيكي.


لأنه يضفى أتساعا على المطبخ حتى إن كان المطبخ صغيرا أو ضيقا. فيمكن أضافة بعض خزانات المطبخ الأضافية إن توفرت المساحة حتى يتم وضع كل أدوات ومعدات المطبخ بعيدا عن منطقة العمل. إن هذا النموذج من ديكور المطابخ الذى يظهر فيه الحد الأدني من الأدوات يمكن خلق جو هادئ عند استعماله كما أنه يوحى دائما بالنظافة المتناهية.


ديكور المطبخ الريفى

هذا النوع من ديكور المطابخ يصلح لمن يعشق الديكور والزخارف الريفية والصحبة العائلية، والألوان الدافئة مثل البني والأحمر حيث تكون مناسبة لهذا لديكور المطبخ الريفي. ويمكن تجميل جدران المطبخ بوضع العديد من الأطباق القديمة ذات الزخارف المليئة بالورود والزهور.


ديكور المطبخ الحديث (المودرن)

وهو التصميم المثالى لكل من يعشق شراء ابتكارات وأدوات المطبخ الجديدة. ويعد اللون الرمادي والأبيض والأسود هى السمة الرئيسية لهذا التصميم، مع وجود طاولة مستديرة ومقاعد في أحد أركان المطبخ الحديث (المودرن). كما أن أدوات وأجهزة المطبخ الحديثة تبدو دائما متألقة وبراقة فى منطقة العمل دون أن تسبب شعورا بضيق المطبخ.


ديكور المطبخ القديم

وهو المطبخ الذي يرضى الأطراف كلها، حيث أن جميع أفراد العائلة تستخدمه من الجدة للابن المراهق. فهو بسيط ولايواكب أى من الاتجاهات الحديثة المعقدة، فلون ديكور المطبخ البنى الداكن يجعله مكانا مريحا ودافئا. وتعد الأطباق الرومانية واليونانية من أكثر الأدوات التي تصلح لهذا النوع من ديكورات المطبخ، وتتوافر ديكورات مطابخ عدة فى المحلات التى تبيع الزخارف العتيقة وهى فى العادة معقولة الثمن.


من المعروف أن ديكور المطبخ يجب ألا يشيع جوا من الازعاج على من يدخله فهو غرفة لكن ليس كأى غرفة، فمن المطبخ تصنع أحلى المأكولات ، لذا فمن الأفضل معرفة ما يتناسب مع الراحة النفسية التى تساعد على الراحة والصفا




في البداية عايزين نعرف إيه الجديد في تصميم المطابخ؟!

المطابخ كلها بتُصمم على "الاستايل الأمريكاني" المصنوع من الأخشاب الطبيعية، ولازم نراعي في تصميم المطبخ إنه يكون مرفوع عن الأرض علشان نبعد عنه الميه ويكون سهل في التنظيف، وعلى فكرة كل المطابخ بتكون مصممة على" شاسيه" خشب وبعد كده نضع الوحدات وده بيساعد إن المطبخ يعيش مدة أطول.
إيه أنواع الأخشاب المستخدمة في تصميم المطابخ؟!
فيه أخشاب كتير زي مثلا "خشب الزان" بداخله بعض الأدراج الاستانلس والزجاج وعلى فكرة الزجاج بيعطي فرصة لإظهار أدوات المطبخ بالإضافة إلى إنه يكون فرصة لوضع أسبوت إضاءة..
وفيه "خشب الأرو" وده بيعطي شكل كلاسيك للمطبخ علشان كده بيتناسب معاه "الحوض الزهر المطلي صيني" وعلى فكرة الحوض ده صحي وعميق أكثر من "الاستانلس" ووسائل تنظيفه سهلة..
ويوجد "خشب القشرة" وده بيجمع بين المودرن والكلاسيك وفيه أنواع أخرى من الأخشاب زي "البلوط".

يا ترى قرصة المطابخ بتكون مصنوعة من إيه؟!

إحنا دائما بنصمم قرصة المطابخ من "الجرانيت الطبيعي"؛ لأن الجرانيت بيمنع بقع الخل والطماطم والزيت والزبدة وهو مناسب لتصميم المطابخ الأمريكي وصحي في نفس الوقت واللي الناس ماتعرفهوش إن الاستانلس من مشتقات المعادن الطبيعية.
إيه هي أحدث أنواع الدهانات المستخدمة في المطابخ؟!

يوجد نوعين "أسيلي واللكر" ودول بيستحملوا المياه والبقع وبيعطوا لمعة في نفس الوقت وبيحافظوا على شكل الخشب الطبيعي.
إيه هي المادة المستخدمة في ألوان المطابخ؟!
نستخدم دائماً في تلوين المطابخ طبقة اسمها (PVC) وده لأنها بتكسي الخشب وفي نفس الوقت ضد الخدش وضد المياه وسهلة التنظيف.
وإيه أنواع الحوائط والأرضيات اللي تناسب المطابخ دي؟!
طبعا لازم الحوائط والأرضيات تكون من "الجرانيت" أو "السيراميك" أو "البورسلين" ويكون لها عازل.


وإيه هي نوعية المفصلات والمقابض؟!
"المفصلات" بتصمم على شكل ميكانيزيم على 180 درجة عند الفتح وتمتاز بأنها بتتفتح من الأمام والخلف والجنب، أما "نوعية المقابض" فبتكون استانلس معدنية غير قابلة للصدأ وناعمة.
إيه رأيك في المطابخ الألوميتال ؟! مطابخ

لا أشجع الألومنيوم؛ لأنه بيتأثر بدرجات الحرارة والتمدد، والمطبخ أساساً بيكون سخن فكيف أصنع أي شيء موصل للحرارة علشان كده بتلاقي واجهات المكاتب والعمارات المصنوعة من الألوميتال لازم تركّب تكييف.
وإيه أكثر ميزة في تصميمات النوع ده من المطابخ؟!

أكثر ميزة إننا بنصنع عند الحافة "فريم ألمونيوم" وده بيمنع أي حاجة تقع من زيوت أو مياه على أرفف وأدراج المطبخ وتعطي شكلا جماليا في نفس الوقت...

وعايزة أقول حاجة مهمة كل ما تكون الأدوات مصنوعة من الخشب الطبيعي بيكون شيك وصحي في نفس الوقت.


عايزين نتعرف أكتر على تصميم المطبخ من الداخل؟!
هنبدأ بالداخل بنلاقي إن فيه فراغات داخل الأدراج مصنوعة من الخشب بمساحات مختلفة تستوعب الأطباق الزيادة (للتخزين) وأيضاً الملاعق بأحجامها المختلفة وأدوات الغرف عموماً وفيه أدراج خاصة بهم ومصممة على قدّ حجمها وشكلها علشان ست البيت تأخذها من مكانها وترجعها بسهولة وده بيسهل الوقت والنظام والترتيب، والميزة أيضاً في الأدراج إنك عندما تقومي بفتح الدرج فالفواصل الخشبية تقوم بعمل حجب للأطباق عن بعضها وتمنعها من التكسير والتخبيط بجانب الأدراج الكبيرة التي تزن حوالي 100 كيلو علشان تستوعب الحلل وأواني الطهي.

هل فيه أدوات للحفظ مصنوعة بداخل المطابخ دي؟!
في العموم الأدوات بنتركها لستّ البيت إنها تختارها لكن إحنا بنصمم أدوات التوابل والتخزين وتكون مصنوعة من الاستانلس وتكون بداخل (وحدة المطبقية أو داخل الأدراج أو على وحدة البوتاجاز) وبتكون علب استانلس لوضع العدس أو البقوليات والفول والمكرونة والأرز. والاستانلس مادة صحية غير قابلة للصدأ وسهلة التنظيف.

وشكل المطبقية بيكون عامل ازاي؟!
المطبقية بنصممها داخل وحدة الحوض وتكون مكونة من الحوض والمطبقية مع بعضهم وفيها وحدات للأطباق وعلب التوابل ومكان للفوط. وكل ده حول الحوض بجانب إن نصف الحوض بيكون من الخشب الطبيعي وده مخصص للقطاعة ولازم تكون مصنوعة من الخشب الطبيعي لأنه بيمنع تكوين ميكروبات.
وأسفل الحوض بيكون ازاي؟!

كل الوحدات تحت الحوض بنستغلها في المصارف الطبيعية وسلة المهملات، وبتكون مكونة من أجزاء عبارة عن مكان مخصص لفضلات الخضار وفضلات الورق وفضلات الزجاج وهذا الاستايل موجود في أوربا وأمريكا بجانب طبعا أماكن لأدوات النظافة كلها زي المقشة والممسحة.

إيه المكان الصحي لحفظ الخضروات والبصل والعيش داخل المطابخ دي؟!
فيه مكان مخصص داخل نيش المطبخ عبارة عن أرفف طولية يوضع في كل رف نوع من الخضروات أو البصل والثوم وهذا المكان بيكون مصمم من الخارج مثل شكل المطبخ ومن الخلف هذا المكان بيكون مفتوح للتهوية والمحافظة على صحة الخضروات.

إحنا ملاحظين إن الأدوات الكهربائية مصممة داخل المطابخ (built in) "البلت إن" هل ده ضروري ولاّ ممكن تكون منفصلة؟!
معظم هذه المطابخ بتصمم وبداخلها وحدات الأدوات الكهربائية زي الثلاجة والبوتاجاز والميكروويف والشواية، واحنا حاصلين على توكيل "اشهر ماركات البلت ان" كبرى الشركات الايطاليه والألمانية المتخصصة في صناعة " البلت ان " المطابخ وهي
التي تصمم بحيث إن الأجهزة الكهربائية تكون جزءا من تصميم المطبخ نفسه.

وإيه ميزة الثلاجات (built in) "البلت إن"؟!

الثلاجات دي مصممة على شكل صحي وتكنيك فائق وبكفاءة عالية يعني مثلاً كل جزء في الثلاجة له درجة تبريد مختلفة عن الثانية ويناسب جميع أنواع الأكلات, وفيه درجة تبريد للجبن تختلف عن اللحوم وتختلف عن الزبدة.. وخاصة اللحوم بتكون غير مجمدة وفي نفس الوقت لا تفقد صلاحيتها وتكون جاهزة للاستعمال الفوري.


وغسالة الأطباق ميزتها إيه؟!
غسالة الأطباق بتصمم بشكل وحدات المطبخ وميزتها إن في بعض الغسالات بتشقق الأطباق والأكواب لكن الغسالة "البلت إن" يوجد بها برنامج خاص للكريستال والزجاج والأواني والأطباق.
هل المطابخ دي بتحتاج شفاط معين؟!
آه طبعا فيه شفاط معين يمتاز بأن قوته عالية جداً أو سرعة الشفط تكون 500 متر مكعب في الساعة ويحتوي على فلتر زيت وفلتر للروائح وهناك فلتر بينقي الهواء تلقائياً ويكون مساحته 90 - 60 سم والبوتاجاز 60- 90 سم، علشان كده المطبخ بيكون مع الأنتريه ولا تشعرين بأي روائح أبدا.


وإيه ميزة الفرن البلت إن؟!
يوجد بالفرن ده حاجات كتير قوي زي مثلا:
• شواية.
• طهي بالبخار وميزته إنك ممكن تشغلي الفرن بنصف طاقة وليس بكامل طاقته.
• ويوجد ترمومتر خاص يوضع داخل الفرخة أو اللحمة بيساعد على إن الفرخة تستوي كويس وفي نفس الوقت تكون من الخارج كرسبي ومحمرة.
• وفيه كمان تايمر بالميعاد ويغلق أوتوماتيكي عند انتهاء الطهي.
• كمان بيوجد داخل الفرن فلتر بيمنع الروائح يعني لو وضعتي سمك أو حلوى أو فراخ لا تختلط الروائح مع بعض، بالإضافة إلى أنه لا يسرب أي درجة حرارة خارجية ولا تجدين أي سخونة.


ملاحظين وجود شواية ضمن وحدة البوتاجاز؟!
ميزة الشواية إنها تكون جنب البوتاجاز وهي شواية بالفحم تمنع الدخان وموجود بها "حجر بركاني" وهو بديل عن الفحم علشان بعد الانتهاء من الشوي يسقط "كالتراب" لأن الفحم الأسود الملتصق باللحوم عند الشي ثبت أنه عبارة عن كربونات ضارة جداً.


وإيه هي ميزة القلاية دي؟!
كل يوم بنسمع عن مخاطر الزيت وعدم استعماله أكثر من مرة لكن الميزة إن بداخل هذه الغلاية حاجة اسمها "كولين زون" يعني منطقة تبريد ووظيفتها تبريد الزيت من تحت ولكنه يغلي من فوق عند درجة حرارة معينة لا تزيد عنها وبذلك يحتفظ بالزيت لمدة حوالي شهر والميزة الأكثر إنه ممكن استخدامه في قلي السمك والفراخ والحلويات وراء بعضهم، (الصفاية الاستانلس) هي التي تغطس في الزيت وتقلي بداخلها.


وهل الأدوات دي تلغي وجود البوتاجاز؟!

لا طبعاً لكن هو توفير وتنوع للأماكن ووسائل مختلفة في الطهي زي مثلاً جنب البوتاجاز فيه مكان مخصص للطهي بالبخار اسمه (ستيمر) لطهي الخضروات والأرز والمكرونة وتكون مناسبة لمرضى الضغط والسكر والريجيم ومميزاتها إنها تحتفظ بالفيتامينات وتصمم داخل وحدة البوتاجاز.


الإضاءة في المطابخ دي بتكون عاملة إزاي؟!
تتكون من إضاءة رئيسية في السنتر وهي عبارة عن نيون أبيض وإضاءة داخل الوحدات وتنوّر عند فتح الوحدة فقط ومكتوب عليها لمبة موفرة مصنوعة بالتعاون بين وزارة الكهرباء والمصنعين.
هل ممكن إن شكل المطابخ دي يكون بديلا عن السفرة؟!
معظم مساحات الشقق دلوقتي صغيرة ويكون المطبخ مفتوحا على الأنتريه واحنا دائماً بنصمم المطبخ على شكل نيش أو دولاب بلاكار وزجاج وبنصمم كمان ترابيزة كوحدة مشابهة من المطبخ علشان في النهاية تشعري إنه غرفة صغيرة وليس مطبخا.
شاركه على جوجل بلس

عن 111

    تعليقات بلوجر
    تعليقات فيسبوك

0 التعليقات:

إرسال تعليق